政壇：阿Ann話普選先要識執狗糞
阿Ann嘅新金句，睇嚟淨係佢笑得出。
由爭取八八直選開始，香港人話爭取民主都講咗二十幾年，但好多建制派人士話香港市民未成熟，如果實行完全民主化未必係好事。到底香港人點先算係成熟呢？向來金句百出嘅建仔立法會議員Ann蔣麗芸尋日又有新定義。
阿Ann嘅新金句，睇嚟淨係佢笑得出。
阿Ann話香港要普選，人民必須要建基於道德之上，但點先係有道德呢？佢就列舉三大例子，第一係如果學生朝早識向老師、父母親講早晨，第二係坐地鐵時要識讓座，第三就犀利喇，佢話如果人人拖狗落街，都主動執狗糞，咁香港人真係夠晒成熟，可以有普選喇！唔通爭取普選，就要由人人養狗同執狗糞開始？
