原來西九文化區管理局董事局開會出現言語不通嘅問題，由於有現任同前任董事局成員嘅英文唔多流利，所以喺會上未能暢所欲言，有幾好嘅意見都逼住吞番落肚。

香港回歸十六年，《基本法》寫明中文同英文都係法定語言，但西九文化區管理局董事局開會同文件都係用英文，有人估計因董事局內唔少成員平日講慣英文，例如董事局裏面有係外國人嘅盛智文，夏佳理廣東話流利，但始終睇慣英文文件，而行政總裁連納智都係外國人。講英文成為開會嘅習慣，平時講慣廣東話嘅董事喺會上就唔多出聲。雖然會上有安排即時傳譯，但佢哋都選擇乜都唔講，可能係唔夠自信啦！

第一手消息請下載on.cc東方互動iPhone/iPad/Android/Windows Phone Apps