政壇:鄭錦鐘買畫兼助保良局
鄭錦鐘夫婦都好鍾意後面嗰幅名為《我愛爺爺》嘅畫作。
保良局尋日舉行兒童藝術展,主席Eric鄭錦鐘同太太Katie鄭關巧妍對住六百幾幅畫同陶藝作品,睇到眼花繚亂,最後忍唔住認購咗好多,將善款撥捐幼兒藝術發展。Eric笑言,要將啲畫同陶藝掛喺主席辦公室,等賓客來訪時睇到,順便宣傳該局嘅服務喎!
鄭錦鐘夫婦都好鍾意後面嗰幅名為《我愛爺爺》嘅畫作。
郭羅桂珍(右)讚身旁小朋友好有藝術天分。
Eric兩夫婦好有默契,最愛場內一幅名為《我愛爺爺》嘅作品,更爽快買下。已有三個孫仔嘅Eric話覺得畫中嘅爺爺同三個孫,好似反映緊佢自己喎!Katie更發現,創作呢幅畫嘅學童原來就讀以佢命名嘅幼稚園,咁就更有意義嘞。
副主席郭羅桂珍對批畫作都好感興趣,行勻成個會場,見到鍾意就買。佢話雖然唔識畫畫,但好欣賞小朋友嘅藝術天分。