City Snapshot：黃克競太太快樂創業
鍾海燕（右）及羅台秦好投契，諗住為婦女界做啲嘢。
「光學儀器大王」黃克競創辦嘅寶源基業曾名揚四海，但黃克競去世後，寶源股權已賣畀中華廠商聯合會常董戴澤良。早前有晚喺灣仔某食肆見到戴澤良太太Louisa羅台秦，同黃克競太太Heidi鍾海燕一齊食飯，原來佢哋因收購寶源一役而結緣，咁啱大家都係台灣人，即時一見如故。
鍾海燕（右）及羅台秦好投契，諗住為婦女界做啲嘢。
Heidi話喺丈夫過身後經歷咗一段人生低潮，直至認識旅美抗衰老專家余啟宸，先知道情緒同健康息息相關。近年佢同余啟宸合作，將余醫生研發嘅保健同化妝品喺美國銷售，備受好評，近期準備進軍中港、巴西同東南亞添！Louisa話睇住Heidi走出一條健康人生路，都戥老友開心，仲話要同佢度吓橋，齊為面臨家庭同情緒問題嘅城中婦女做啲嘢喎！
