City Snapshot：林以諾拖妻風中逛街
行超市
以棟篤笑形式布道嘅林以諾牧師近年言論好惹火，加上引領商人陳振聰信教，網民時不時對佢議論紛紛，但林牧師一於好少理。前日七一天文台高掛三號風球，出面橫風橫雨，喺下晝約三點鐘，正當幾十萬人上街怒吼之際，難得好心情嘅林以諾同太太十指緊扣現身ifc。
行超市
拖到實
林以諾兩公婆全程甜甜蜜蜜，輕鬆自在。佢哋先行入超市閒逛，全程齋睇唔買嘢，兜咗個圈就離去。兩人漫無目的行咗一陣，最後決定去食嘢醫肚，當時餐廳人多，佢哋於是排隊等位，大約五分鐘後就入座享受下午茶喇！
上前同林以諾打招呼，林太亦好有禮貌咁say hello，林牧師話出面翻風落雨，冇乜嘢可以做，所以特登嚟行吓街消磨時間，隨後佢哋就繼續行街街，消磨時間。呢個時候，林太又禮貌周到咁say bye。
