政壇：盛智文特色啤酒誘女客
盛智文拎住隻靚酒杯扮飲酒。
今年嘅蘭桂坊音樂啤酒節，蘭桂坊之父盛智文話會將全條和安里化身特色啤酒街，專為女士引入輕盈新穎嘅啤酒口味，例如水果、朱古力同蜜糖啤酒。而啤酒嘅基本客始終係男人，今年會有肚皮舞女郎載歌載舞，亦會推出啤酒節十周年T恤同手感玲瓏浮凸嘅比堅尼女郎啤酒杯。盛智文明明唔飲酒，但尋日仲攞住個靚杯扮飲，名副其實係「扮嘢文」。佢預期今年吸引十八萬人次入場，比舊年多兩成，希望本月十三、十四日「逼爆蘭桂坊」。
盛智文拎住隻靚酒杯扮飲酒。
身兼海洋公園主席嘅佢又為九月海洋公園加價辯護，話因開支升咗三成幾，而樂園始終係盤生意，又話迪士尼都加價啦。
