政壇：關永盛最驚恒指唔郁
關永盛（左二）與同事細訴恒指嘅「大時代」。
股民炒股最愛大上大落，貪佢有波幅，容易捉路。不過，對於編製恒指嘅恒生指數公司董事兼總經理Vincent關永盛，股市升跌好閒，反而個市唔郁就驚。好似九八年政府入市打大鱷嗰日，恒指本應每分鐘跳一次，但嗰日竟然試過連續幾分鐘個數值郁都唔郁，公司嘅同事都急起來，圍喺顯示板前面，拎住所有股價再計算一次，check下嗰個唔郁嘅指數到底準唔準確，可見恒指若果唔郁，反而係大件事！
關永盛（左二）與同事細訴恒指嘅「大時代」。
關永盛同幾位同事日前接受《恒園》訪問，細訴恒生指數嘅「大時代」，當中有血有汗，反映香港社會變遷。
九八年打大鱷呢幕就驚心動魄，咁○七年十月受「港股直通車」刺激，恒指衝上三萬一千點歷史高位呢幕呢？答案係投資者就亢奮，但恒生指數公司卻「反高潮」，辦公室一啲異動都冇。Vincent話佢哋只係計指數，破唔破紀錄唔會有特別感覺！
