親疏有別護淫媒 民主阿婆枉獻醜
一枝紅杏出牆來，陳方安生自封「民主阿婆」，果然不甘寂寞，又出嚟說三道四，指手畫腳嘞。弊就弊在，年紀大，機器壞，民主阿婆腦袋同嘴巴雙雙退化，語無倫次，九唔搭八，獻醜多過食飯！
民主阿婆今次講乜呢？係咁嘅，淫賤黎仇口多，黑氣重，近期唔係住所畀人用車撞閘就係爛果報畀人放火燒，唔係住所畀人放刀斧警告就係壹淫媒大樓外畀人放生銹刀。民主阿婆於是就心痛嘞，佢話喎，對呢類行為覺得非常擔心喎，仲話社會分化加劇，好大程度係因為政府親疏有別、敵我分明造成咁話。
叮佢個鎯鎯，民主阿婆係咪精神分裂呀？壹淫媒畀人搞佢就咁緊張，第一時間撲出來幫淫賤黎訴苦，東方報業集團長期被港府打壓又唔見佢出聲？爛果報畀人放火，壹淫媒大樓外畀人放生銹刀，案情仍有待調查，但係港府打壓東方就係明刀明槍明火執杖，消防處同食環署等部門近年以各種理由先後十二次上門滋擾，擺明係製造白色恐怖，打壓新聞自由，點解民主阿婆從來無表示擔心？從來無講過一句公道說話？佢話港府親疏有別，請問佢自己又係咪親疏有別呢？
其實，民主阿婆咁肉緊幫淫賤黎訴苦，太一叮一啲都唔覺得奇怪，所謂狼狽為奸蛇鼠一窩，佢唔幫淫賤黎仲幫邊個吖。大家仲記唔記得，淫黎賤早年被人踢爆係反對派幕後金主，其中民主阿婆據講亦私下收咗唔少政治捐款，有人食咗狗糧咯喎，梗係要忠心護主啦。嗱嗱嗱，主人屋企被人撞閘，點都要吠幾聲嘅，如果唔係，點知以後仲有無狗糧打賞o架！
講開又講，民主阿婆、淫賤黎、李漢奸同政治主教係臭名昭彰嘅搞事四人幫，成日搞風搞雨，禍國亂港，惟恐天下不亂。今次民主阿婆親疏有別，敵我分明，維護淫賤傳媒，漠視正義傳媒被打壓，再次證明所謂「香港良心」不過係政治裝假狗嘅褪色化妝。
唉，睇嚟呢枝紅杏唔止係民主阿婆，更加係政治怨婦。古詩有云，紅燭自憐無好計，夜寒空替人垂淚。民主阿婆與其擔心淫賤黎，不如擔心下自己好過啦，垂垂老矣，時不我與，政治影響力仲低過面上嘅魚尾紋，無謂再出嚟獻世喇！
正如有人話齋，人一老，真面目就暴露無遺，牙係假，頭髮顏色係假，原來連條脷都係假嘅，講嘢九唔搭八，不知所謂。民主阿婆，收檔罷啦，叮！
