SUN搞作：打橫嚟講︰為公義、為自己、為香港，行出來吧！
這一年，香港亂象叢生，是回歸十六年來最差最無藥可救的一刻，究其原委，全因這個廢柴政府一眾庸官，冚辦爛皆是低B垃圾，不單只是無能，仲係無腦！
嗱！消防處單憑一個電郵投訴，就到東方報業集團大樓的伺服器房「擾攘」；明日，若漁護署收到消息，話有「北極企鵝」或「南極白熊」走入編輯室，咁佢哋又派人嚟搜刮呀？有無腦(口架_)？
喂！如果政府同時收到線報，話有個斯諾登嘅年輕人入咗社長室，啲飛虎隊咪要從天而降，穿窗破牆掟催淚彈咁「尋人」？
勿以為上述亂噏搞笑，好誇張呀！今時今日，一個不講誠信、心狠手辣、皮笑肉不笑嘅政權，為求目的，幾荒誕及不擇手段的暴行，都敢逆天而行，無惡不作。
一個地方的當權者點解可以肆無忌憚的無法無天呢？第一、當然此粉皮並非人民選出來的；第二、佢一定用盡巧言令色去欺騙大眾，氹人落屎坑，事前托塔乜都話得，過咗橋就抽板，不認人，還恥笑曾經信佢嘅老實人係傻仔；第三、佢會豢養一群比佢更廢的奴才作家犬走狗，用人唯庸，同聲同氣，以便私相授受，欺下瞞上，搵着數落袋；第四、乃是最重要，而又最被人忽視的，就係社會有一大群啞忍的沉默大多數，他們可能有被甜言蜜語瞞騙的，亦有分得利益好處者；更多的，是得過且過的平民百姓，但面對一個不得人心，兼不顧民生嘅暴政權，人權領袖馬丁路德．金曾說：「我們這一代的人，必將感到悔咎，不單只為了惡人可憎的言行，也為了好人的緘默。」所以，踢走無能無信而狼毒的涼薄賊種，今日，就要行出來為公義、為自己、為香港，發聲！
彭志銘
次文化考古學家，對城中潮語有深入研究，博徵博引，廢官廢人行埋一邊。
歡迎add我facebook
一齊(目及)實政府
