李衞今日喺中環撞到早前接受「老外」電視台訪問嘅「民鼠阿婆」，就佢對香港亂局嘅評價，李衞同佢傾咗幾句，證實咗佢都幾有「中國人」嘅特質 ─「親疏有別」、「敵我分明」……

民鼠阿婆：一個人受眾人唾棄，六親不認，肯定係待人處事有問題。

李　　衞：白鴿黨成員話驚「癱瘓香港」出嚟呼籲市民唔好上街，你無回應過喎！

民鼠阿婆：政府啲問責官員，完全無拎過摺櫈落街聆聽民意，違背承諾，可恥！

李　　衞：「前特狗」曾雀屎同佢位沙煲兄弟貪湯啲「貪迹」愈揭愈臭，你好似無評價喎？

民鼠阿婆：又掟菜刀又燒報紙，我覺得這些行為讓我非常擔心……

李　　衞：特衰正苦「生安白造」直闖正義傳媒伺服器房，其心可誅！你又點睇？

民鼠阿婆：你唔好一直拃亂歌柄！我要為我民主路上嘅戰友發聲！

李　　衞：咁你即係親疏有別啦……

民鼠阿婆：邊個係友，邊個係敵，我分得好清楚！

李　　衞：哈哈！咁今日一定要上街喇，因為我哋要爭取「百花齊放」、開放開明嘅社會，而唔係「親疏有別」、「敵我分明」！

第一手消息請下載on.cc東方互動iPhone/iPad/Android/Windows Phone Apps