SUN搞作：Sun官場現形記：硬食「一蚊雞」
有隧道職員因為執「一蚊雞」放入褲袋，要搞到上法庭，最後被判罰款守行為。貪湯一知道，淆到腳震，即刻搵貪曾商量吓，驚自己同貪曾要喺赤柱執番梘……
貪湯︰點算，貪「一蚊雞」都要上法庭，咁我哋……
貪曾︰無事喎，無嘢好驚！
貪湯︰依家有辦你睇，仲咁淡定？
貪曾︰呢啲罪證，好易解決！
貪湯︰點解決？我哋兩個收埋咁多！
貪曾︰多啲嚟，咪密啲口囉，食落肚就咩都煙消雲散！
貪湯︰食？咁硬都可以食？咬到牙都崩！
貪曾︰係咩，我又覺得好滑，好好食！
貪湯︰一蚊銀你都覺得好食？你使唔使學人針吓脷？
貪曾︰咩金屬？我話緊酒樓賣嗰啲一蚊雞！
貪湯︰@#$%^&**((
