政壇：陳淨心寸肥佬黎不道德

壹傳媒肥佬黎旗下雜誌，最新一期以愛護香港力量核心成員陳淨心為封面故事，圖文並茂追蹤陳淨心日常生活，搞到陳食煙、飲酒、唱K等行為曝光人前，陳淨心尋日同網民喺社交網站群起反擊，其中有網民寸爆指肥佬黎做上述行為可能比陳淨心仲多，陳淨心其後接受查詢時譴責壹傳媒有關報道，又話近一、兩日感受到有人在遠處跟蹤，覺得人身安全受到威脅，先後到元朗警署同福田公安局備案。陳淨心批評該報道公開咗佢喺福田住宅嘅樓層，行徑不道德同惡劣，會向新聞團體投訴壹傳媒。肥佬黎本來諗住公開陳淨心生活實況增加雜誌銷量，反畀陳同網民聯手寸爆，認真火羅爆！