SUN驚奇：睇相佬占卜師 佔領旺角行人區
申訴專員公署早前炮轟食物環境衞生署執法不力，令食肆擺街情況惡化，原來面對「睇相」檔口殺入行人專用區，同樣「無符」。旺角行人專用區近期湧現多名「睇相佬」、「塔羅占卜師」，公然擺檔「搵食」，令專用區儼如「翻版廟街」。這類檔口為避檢控，都不會標示價錢，只口頭向客人講解收費，「睇相」、「占卜」後即迅速收錢。大量無牌擺賣攻陷行人專用區，食環署近三年只作十五宗檢控，地區人士炮轟署方執法不力，縱容無牌檔口肆意霸路「搵食」。
「占卜師」在旺角行人專用區擺檔，吸引不少年輕人光顧。
「睇相」（右）、「塔羅占卜」（左）無牌檔口，近日攻陷旺角西洋菜南街行人專用區。
收錢好騰雞
「睇相佬」迅速取過兩張一百元紙幣，握在手中（紅圈示）。
勁多客幫襯
「睇相」檔口一般不會標示價錢，檔主與客人只會靠共識「收費」。
食環署被指執法不力，以致無牌檔口「無王管」。（資料圖片）
市民點睇
周小姐 （時裝設計）：「話就話係行人專用區，但成日都好逼人，經過根本行唔到。呢啲無牌攤檔，一定要靠政府大力打擊先得。」
余先生 （大學生）： 「平時行過都會見到，但我知道係違法，所以一定唔會幫襯，費事助長呢種風氣。」
「係咪想睇相呀？我好靈，好準o架！」旺角西洋菜南街行人專用區近年幾近變成街頭表演「場地」，不少無牌小販亦紛紛進駐「渾水摸魚」，最近更湧現一批「生力軍」。記者一連多日在晚上六時後到現場視察，直擊該行人專用區有多位睇相、占卜師陸續開檔。部分檔口布置較為簡單，放了一張桌子和幾張椅子，枱上只放有數本命理書及塔羅占卜牌。
稱廟街遷來 收錢避忌
其中一檔在枱前掛住「掌相命理，家宅風水，八字批命」海報，記者佯裝顧客上前，姓張的檔主見狀即問：「係咪想睇相呀？」張聲稱自己出身內地，以往一直在油麻地廟街擺檔替人睇相，直至去年十二月才「進駐」行人專用區，「見呢邊人流多啲，咪搬過嚟試吓囉！以前喺廟街主要都係做熟客同遊客，依家多咗啲後生仔女幫襯。」
記者在現場觀察近一小時，發現張就算在平日晚上亦「做唔停手」，客似雲來。顧客以年輕人為主，其中一對是年輕女子。她們甫坐下，隨即伸出手掌，全神貫注地聽張講解。約二十分鐘後，其中一人從銀包取出兩張一百元紙幣付款，張見狀立即取走，迅速握在手中，表現相當避忌。
相比起「睇相」，「塔羅占卜」攤檔更多更旺場。其中一名年輕「占卜師」，甫開檔即有一名中年男士光顧。「占卜師」問：「你想占卜咩呀？」之後便開始「洗牌」、「抽牌」。十五分鐘後，客人準備付款。為掩人耳目，「占卜師」靜悄悄地從枱底拿出一個手提箱，要求客人將四十元放進箱內。
「睇相」、「塔羅牌」等檔口攻陷行人專用區，令存在已久的無牌擺賣問題更加嚴重。現時專用區內擺賣種類多不勝數，由出售自製珠仔擺設、公仔花束，以及即席畫人像畫等，根據食環署資料顯示，由二○一○年五月至今，該署只就旺角行人專用區無牌小販擺賣提出十五宗檢控。
打擊不嚴，行人專用區的檔口更加「百花齊放」，油尖旺區議員陳偉強認為食環署是罪魁禍首，他說：「呢半年無牌攤檔愈開愈多，睇相、占卜擺明係做生意，當局有咩理由唔執法。」
食環署發言人表示，除非持有有效小販牌照，任何人均不得在街道上擺賣，否則即屬違法。過去三年，該署並無簽發小販牌照予商販在旺角行人專用區內擺賣。該署所簽發的小販牌照，亦不包括「睇相」或「占卜」等等的行業在內。
不標示價錢 走法律罅
雖然這類檔口並非屬食環署所發小販牌照之列，但並不表示可以奉旨經營。大律師陸偉雄表示，現時法例存在漏洞，故令無牌檔口「有機可乘」，「法律上，如果佢哋冇標明價錢出嚟，的確好難話佢哋喺度做生意。」不過陸認為當局並非對他們無符。「其實喺街邊擺檔或者放個兜出嚟收錢，可能已經觸犯阻街罪或者行乞罪。當然，當局應該增加人手巡查或在場駐守，甚至『放蛇』，先至會有阻嚇性。」
