次世代生活圈：海員保衞者
入工會、撐工運，高喊「捍衞工人權益」！即使上一代工友由青絲喊至白頭，一群職場新人類仍決定接棒喊下去。他們說，嘗過上輩人爭回來的成果，望回報後輩，透過工會分享守望，並跟老工友說聲：航道上不只你一個。
阿東
遊行示威，工會一呼，阿東（箭嘴示）定會大力支持。（受訪者提供）
阿東希望透過工會舉辦的海員日，提升海員於社會的認知及地位，吸引更多人入行。
工會是阿東岸上「蒲點」，與工會中人恍如家人。
行船的阿東，入職兩年多，卻是海員工會生力軍，工會遊行，幫手派水，照顧弱老、當義工跟師弟分享行業經驗。每次遠航歸來「放船」上岸，都自動返工會幫手。這位二十五歲的陽光青年說：「我哋行頭細，得幾百人，你唔團結，唔幫手，就咩都做唔到。」
為工友發聲 一代接一代
行家一聚首，力量不容小看，他形容：「當有船公司倒閉，工會就會出頭，爭取賠償金，如果待遇唔好，點都會有人同你爭取。」
工會最關注爭取最低工資、標準工時等議題，阿東說雖然遠洋海員受國際法而不受本地勞工法保障，爭取到亦不會受惠，不過他仍會上街爭取，響應心中公義的呼喚，「好多成果係由工人努力換嚟，如果見到有老闆畀不合理嘅薪水，我哋企出嚟保障工人理所當然。」
透過工會，他更想提升海員在社會中的地位。「雖然海員入行門檻低，但經過訓練同晉升，都有幾萬蚊收入，但就唔係好多人知。」他希望由工會所辦的海員日，令更多人認識這行業，吸引更多人入行。
接觸工會多年，除捍衞權益，阿東還體會工會中的恩與情，對搞工運有自己一套看法。他說：「喺工會接觸行內唔同階層，好多老前輩教咗我唔少知識，所以我都好想將我所識嘅都同師弟分享。另外，行船少有社交生活，有時見一啲退休海員，年老孤單一個人，都好想關心佢哋。相信好多嘢都可以一代接一代，我最想透過工會，去同前輩講，有我哋照顧你。」
