港大民意研究計劃公布最新民調，又見香港人對「中國人」身份認同感的比率明顯下跌，創十四年新低。其實，這現象十分正常。

嗱！唔好同我講乜乜「民族大義」、「愛國情愫」咁大頂帽，淨係睇吓那些手持「中國護照」出國旅遊的「中國人」行為，已令任何一個「人類」（除上述「中國人」外）也不敢自認「中國人」啦！

四十年前，一貧如洗，買米食肉都要靠糧票，活在封閉專制的煉獄內，無知反智沒見識，是情有可原和諒解的！但開放三十五年啦！仲話係世界第二大經濟強國，你哋呢群「中國人」，於國際社會又做過乜嘢好事？有邊一日無做過唔破壞地球文明、文化的醜事呢？叫香港我哋這些受過文明文化薰陶、有獨立思想的正常人「恥與為伍」！

強國人出外，頂多出醜！強國人在強國內的劣行，更叫人齒冷，像陳水扁話齋：「罄竹難書」。

遠到千九幾里鄰近鬼域的強國人醜態，不說也罷！但在本地那些自詡「愛國」的「勢力人士」又點呢？淨係睇日前立心搞「慶回歸」節目，與七一遊行打對台的手段，仍只懂用「蛇齋餅糉」之施捨式思維去討好低等受眾，永遠上不到大枱，便知班「愛國」人士質素多低！

民調顯示港人不認同「中國人」身份，是因為大部分本地人明解何謂「尊嚴」，甚麼是「羞恥」。若真真正正要令港人心甘情願做個「中國人」，唔該先從「人性」、「道德」教育入手，而非小恩小惠的九十九蚊演唱會囉！仲有，將啲「愛國」人士移居返大陸先啦！好礙眼啫！

彭志銘

次文化考古學家，對城中潮語有深入研究，博徵博引，廢官廢人行埋一邊。

歡迎add我facebook一齊（目及）實政府

第一手消息請下載on.cc東方互動iPhone/iPad/Android/Windows Phone Apps