SUN搞作：Sun官場現形記：讀Law友
衞生署助理署長被人踢爆攞一年全薪假去做實習大律師，引起全城嘩然。點不知，原來早喺二○一○年，衞生署已經安排三名員工去港大讀刑事司法課程，仲要資助四年學費。咁大單嘢，李衞梗係要搵始作俑者嘅前署長秉秉問吓……
李衞︰點解衞生署要係咁批員工讀Law？
秉秉︰佢哋嘅工作牽涉到嗰個層面，所以咪批佢哋讀Law囉。
李衞︰但咁會唔會本末倒置呢？
秉秉︰點會呢？社會要通才，唔係學校開通識科做咩？
李衞︰最怕係衞生署同律政司職權混淆，通通都變成唔識做嘢！
秉秉︰唔會，讀嗰陣識多幾個Law友仔，第日兩邊溝通仲方便。
李衞︰咁都得？！
秉秉︰我咁做係為咗員工生活着想，等佢哋退咗休都有份高薪厚職做吓！
李衞︰員工生活又關你事？
秉秉︰梗係，有名你叫「惠生署」喇！
