政壇：政商定格：李小加變身廚神整大餅
李小加返到屋企會下廚整兩味。
啱啱過去嘅父親節，對某啲金融界人士可能特別難忘，好似港交所行政總裁李小加咁，平日說話直率，有時得罪咗人都唔知，但返到屋企就完全唔同形象。話說佢今年父親節化身廚神，大玩「煮飯仔」，親自下廚整大餅，包括葱油、芝麻同千層肉餅，而且仲整埋麵條添，真係犀利！唔講唔知，原來佢對北方人喜愛嘅餃子特別鍾情。
李小加返到屋企會下廚整兩味。
下個禮拜港交所有兩壇盛事，星期一係上市十三周年酒會，周二就輪到更大陣仗嘅倫敦金屬交易所（LME）年會，李小加好有信心本港發展商品一定會成功。佢將倫敦、香港同內地比喻為「三條腿」，缺一不可。收購LME就好似買種子返嚟，肥田料就係內地嘅流通量，種子就喺香港種植。講到咁深入淺出，大家都應該好明白佢點解係都要收購LME喇！
