SUN世代：捱五晚通宵工作難忘
眼前的梁成永官仔骨骨，非常健談，每當說起以往做律師的經歷，更十分雀躍，「喺法律界嗰七年，係好難忘，亦學到好多嘢。做生意亦會牽涉到法律問題，所以以前學嘅嘢到依家仍然非常有用。」
最難忘的一次是，他為了趕起一大堆法律文件，連續通宵五晚。「嗰次係幫一間內地投資銀行上市，要準備三十幾份法律文件，中、英各一份，單係列印文件都印整日，最終連續四晚無瞓過。」
原本他只負責完成文件，然後交給另一批同事帶往北京「交貨」，豈料第四晚突然收到老闆電話，「佢叫我第二朝跟埋去北京，所以到第五晚都係無得瞓。」為免有失，他們一行十多個人，一人一篋，載着一疊疊文件上機，「當時個情景真係好壯觀，啲文件多到鋪滿晒成張長枱，簽文件都簽足一日，真係好誇張。」
