SUN世代：法律商人王
走到哪裏，梁成永同樣做得出色。曾經是執業律師的他，客戶盡是國際著名投資公司，五年前，因一個機遇，毅然投身商界，將原本寂寂無聞的美國運動品牌，成功打進本港市場。四年內，在港開設三十一間分店，兼掌管海外分店，這位現任高級副總裁的格言是，「凡事最緊要盡力去做，就算最終唔成功，亦都心甘命抵！」
梁成永
由法律界轉投商界，梁成永表現同樣做得出色。
梁成永（左一）毫無老闆架子，與員工打成一片。
梁成永（紅圈示）與員工出席公司春茗，氣氛融洽。
父親（右二）營商經驗豐富，是梁成永（右一）的學習對象。（受訪者提供）
育有一女一子的梁成永，最愛家庭樂。
在法律界七年，突然轉投商界，大部分人都會問梁成永：「點解？」他出身於英國名牌大學，主修法律，畢業返港後成為執業律師，但原來最想不是做律師。「細細個已經想做生意，但做生意係無得讀，嗰時覺得法律夠專業就揀咗。就算係讀法律，我都係揀同商業相關，因為真心想從商。」
愛做生意，其實源於父親的薰陶。「爹哋白手興家，六九年喺香港開廠，做製衣零售。」童年的他不時到廠房「搗亂」，漸漸對商界產生興趣，「每年家庭旅行去玩都係爹哋有開工廠嘅地方，因為佢順便要去巡廠。」
直至十三歲，他到英國留學，其後首次到廠房打工，「有年放暑假，我去咗爹哋喺溫哥華嘅工廠做暑期工，裁布、熨衫、摺衫、品質控制，咩都試過。」一嘗「工廠仔」滋味後，心裏就以父親為榜樣，萌生做生意的念頭。
○七年，他還是執業律師，偶然遇上一個機會。「嗰年爹哋想擴大屋企生意，咁啱有個美國運動品牌想喺香港搵合夥人，大家傾成咗，我就決定離開法律界。」看似如願，梁成永卻以「未知死」來形容這個決定，因為當時該美國品牌在港的知名度，猶如他在商界的經驗一樣，是白紙一張。
「嗰時品牌喺香港啱啱起步，只得男裝款賣，亦無分店，只喺百貨公司陳列架有得賣。」縱然面對一大堆「難題」，他並未退縮，反而積極搵舖、做宣傳。經過一年時間籌備，終於在港開了第一間分店，「未試過又點知會唔得呢？」
在他眼中，凡事都要嘗試，盡全力去做。「有次公司有新款鞋推出，因為喺美國反應唔錯，佢哋想喺香港賣，但嗰對鞋係全黑色，外形唔討好，唔係好啱香港人口味。」那時，大部分同事都「唔睇好」，最終梁成永以鞋款「功能」作賣點，取代「外表」，結果銷情相當理想。
在他帶領下，短短四年間，由零分店開到三十一間。除男裝外，還引進品牌的女裝及童裝鞋款，逐漸建立知名度。
雖然營商經驗愈來愈豐富，但他未有自滿，更以「擲石仔」作比喻，「呢啲都唔係我一個人嘅功勞，好在有班同事同我一樣，將石仔擲向同一個方向，就算擲得唔遠，因為齊心，先可以成事。」
梁成永小檔案
現職：Skechers高級副總裁
學歷：英國牛津大學法津系學士
婚姻：已婚，育有一女一子
