香港的教育已淪落到不能再以「悲哀」二字來形容了！大肚婆未生BB已要挺着肚皮去排隊，攞入學表格；幼稚園不夠保母車營運接載孩童；小學則要靠父母日夜搬屋，才能入讀心儀學校；中學更年年改制，亂過亂世佳人，不特止學生適應無從，即使係老師，亦只是一件行屍走肉、忙於應酬教育局的變態壓榨；大學？三隻字：「大零落」！

嶺南大學校董會身為高等教育組織，居然帶頭弄虛作假。尋日，喺中午舉行「最後一場」校長人選諮詢會，那個毫不受師生及教職員認許的「候選人」鄭國漢入場時，畀全場噓爆，表明反對佢做新任校長o架啦！但到傍晚，校董會竟宣布話投票大比數通過委任這「庸才」做新校長！咁明目張膽的「假諮詢」，竟在高尚黌宮出現，叫人想死！

話鄭國漢係「庸才」，源自睇佢能否做一間大學校長的能力。鄭向學生表示上任校長後，會「不公開評論政治」喎！幾低智呢！香港小學生都知：「民生就係政治啦！」廢柴！話佢係「庸才」，其實係說得不正確！佢更是一隻「奴才」！身為一個大學校長，佢竟敢當眾話自己嘅老細，係一個叫「陳智思」的富豪權貴。咁老細叫你去中聯辦飲茅台，你去唔去呀？家丁乙！連做補習社洗廁所的阿伯嘅能力、智力和識見都未有，竟然可以獲校董會委任做大學校長！絕頂荒謬！

嶺南大學推行博雅教育著稱百多年，鄭庸奴無能駕馭就肯定的了！最弊還是未埋位已被揭往績，又曾涉嫌僭建，咁嘅質素嘅人做大學校長？係咪大零落吖！

彭志銘

次文化考古學家，對城中潮語有深入研究，博徵博引，廢官廢人行埋一邊。

歡迎add我facebook一齊(目及)實政府

第一手消息請下載on.cc東方互動iPhone/iPad/Android/Windows Phone Apps