SUN搞作:sun官場現形記:貪官擺款扮上菜
前日貪曾出席左派飯局無人理,敗興而返!昨日李衞出街食晚飯,喺一條偏僻嘅後巷入面,又撞到貪曾!不特止,李衞更加偷聽到一段「過街老鼠」feel嘅對話……
貪曾(憤怒狀):罐頭鮑扮上貨、無茅台得香檳,菜膽雞個菜膽,仲要唔係用增城菜心添!你快啲去同我叫經理出嚟!
侍應(無奈狀):先生,我哋夠鐘收檔喇。好心你唔好企喺後門阻住我哋放工啦。
貪曾(憤怒狀):你敢咁無禮貌?知唔知我係邊個?
侍應(無奈狀):我唔知。
貪曾(極憤怒):我,我係當奴……當奴呀!記唔記得我呀?
侍應(無奈狀):Donald Duck?而我不知道誰是Donald Duck!
貪曾(驚嚇狀):前爵士你都唔認得,激死我喇……你要賠番錢畀我呀!我依家心靈受創傷呀!
侍應(無奈狀):頭先你白撞入嚟參加晚宴,主辦單位話唔識你我先趕你走咋,你快Q啲過主啦!
貪曾(大 叫):抗議!抗議!
途人:差人!有個傻佬喺街大嗌呀!