政壇：政商定格：啟剛十月雙喜臨門
霍啟山（右）唔肯透露打算送乜禮物畀大哥啟剛嘅囝囝。
香港青年聯會前日舉行周年大會，常務副主席霍啟剛以大熱姿態接任新一屆主席，仲以三十三歲之齡成為青聯歷來最年輕嘅主席！據可靠消息透露，啟剛同「跳水公主」郭晶晶嘅愛情結晶，會緊隨啟剛九月就職禮後嘅十月出世，而且仲係男丁添，認真雙喜臨門！
霍啟山（右）唔肯透露打算送乜禮物畀大哥啟剛嘅囝囝。
下月一號先正式接棒嘅啟剛滿腹大計，前晚透露未來一年會瞓身處理會務，更有意開設課程培訓有志從政嘅會員，為社會提供優秀嘅政治人才。唔知佢會唔會向曾擔任立法會議員多年嘅爹哋霍震霆偷吓師呢？至於郭晶晶腹中塊肉，護妻心切嘅啟剛亦例牌封口，對大家排山倒海嘅祝福都只係以「收到」作回應，細佬啟山亦唔肯透露打算送乜禮物畀姪仔。
