特工爆料演變成中美輿論戰！美國總捅噢爸媽與強國官媒隔空開火，互相指摘對方竊取機密，鬧個難分難解。咁啱李衞今日去咗間國際學校小學部，就聽到班細路喺度爭玩具……

強國孩：畀番部戰機模型我！

噢爸媽：你部機夠我啲勁？我使偷你？

強國孩：唓，你以前又話唔會偷光纖，依家做咗班長咪又係偷！

噢爸媽：我係為咗我家安全，先至咁做！

強國孩：正一惡霸！我去你屋企做黑客就唔畀！

噢爸媽：你錯喇，我係善霸，鍾意點就點！你畀番個特工公仔畀我！

強國孩：畀番部戰機模型我！

噢爸媽：畀番個特工公仔我！

熟兒：你哋唔好嘈啦，我哋本地人畀人入侵電腦咁耐，得我喺度講，班官都未出聲啦！

噢爸媽＆強國孩：梗係啦！我哋哩班大佬都未鬧完交！

作者：李衞

第一手消息請下載on.cc東方互動iPhone/iPad/Android/Windows Phone Apps