政壇：政商定格：乖女請食靚魚葉振南冧晒
葉振南（前右）同太太（前左）、Albert（後左）、Cecilia敍天倫，溫馨到極。
汕頭商會常務副會長葉振南上周六晚過咗個好溫馨嘅父親節，當晚佢同太太、兒子Albert同孻女Cecilia喺某酒店嘅日本餐廳撐枱腳，仲有幸一睹資深日籍師傅即場巧手表演「庖丁解魚」，「主角」係從日本空運到港、價值六位數字嘅原條吞拿魚，重近六十公斤。表演令佢嘆為觀止，佢哋仲柯打咗魚腩部位嘅刺身，油脂豐腴，入口甘香。美食當前，怕肥嘅葉振南都照食，寧願之後勤加跑步消耗卡路里。
葉振南（前右）同太太（前左）、Albert（後左）、Cecilia敍天倫，溫馨到極。
葉振南（左）見到巨型吞拿魚，嘆為觀止。（受訪者提供）
原來呢餐飯係由讀緊書嘅Cecilia安排，佢專登儲起一筆零用錢做東，Albert就揀咗條靚呔送畀爸爸，而佢身在英國留學嘅二女Peggy就速遞禮物到港送畀佢。仔女咁有心思，葉振南當然冧爆喇！
