教育局局長吳得掂畀人踢爆咩都唔熟,唔怪得港府喺教育方面推乜衰乜啦!有見及此,李衞專登捕佢做咗個訪問,一個「笑大人個口」嘅訪問……

李衞:聽講局長你唔熟書又唔熟政策喎!

吳得掂:無啲咁嘅事,我只係量緊地起學校,一時大意引錯書咋。

李衞:量緊地?你量緊地買樓咋啩!使唔使畀部智能手機你check吓走勢?

吳得掂:聖人都有錯啦。一鑊「用機」都衰過,你哋唔好成日針住我呢樣嘢!

李衞:你哋成班扮「聖人」嘅廢官做錯嘢累到嘅係全港市民喎?

吳得掂:所以點解我哋要大力推通識教育?就係要等班學生喺錯誤中學習!

李衞:你做錯嘢就係為咗做全港學生嘅「學習實例」?好偉大呀!

吳得掂:唔好咁講,I have no comment on my individual case!

李衞:yt(#%^**%*&%$w*!!

作者:李衞

第一手消息請下載on.cc東方互動iPhone/iPad/Android/Windows Phone Apps