政壇：政商定格：蒙德揚清華搞騷現彩虹
蒙德揚拍攝到音樂廳外出現彩虹，十幾年難得一見。（受訪者提供）
「電器大王」信興集團創辦人蒙民偉逝世後，家人舊年以佢名義，喺佢母校北京清華大學捐建咗幢蒙民偉音樂廳作紀念。今年係該集團成立六十周年，蒙民偉長子兼集團副主席David蒙德揚上周喺上址舉行咗一場慶祝音樂會。就喺音樂會中場休息期間，奇迹突然發生，當嘉賓向音樂廳外嘅天空一望，竟然出現一道清晰嘅彩虹，令David驚嘆不已。
蒙德揚拍攝到音樂廳外出現彩虹，十幾年難得一見。（受訪者提供）
蒙德揚
David聽當地人話已經十幾年冇見過彩虹，可能係北京最近連日降雨，將烏雲「清洗」得一乾二淨，最後就出現咗呢道「雨後彩虹」。佢就笑言，可能係音樂會高手雲集，奏出彩虹都唔定，又或者妙韻樂章感動咗天上嘅父親，所以搭咗條「橋」到凡間相聚。
