燕窩滯銷售價回到20年前
燕窩大平賣？內地燕窩需求近月突然「被蒸發」，先有懷疑毒血燕入侵內地市場，內地政府下令要將血燕下架；再有入口新修例，限制個人遊旅客帶燕窩入境，在人為及政策因素影響下，馬來西亞及印尼燕窩滯銷，燕窩大跌價，售價回到二十年前，當地不少燕窩商人叫苦連天，更轉型改做地產求存。至於本港上環海味街，本報直擊發現內地客不再，有燕窩店更全日拍烏蠅。
內地多個省市早前抽查血燕，發現大部分亞硝酸鹽嚴重超標。（資料圖片）
昔日爭住買
上環海味街昔日人流如鯽，今日卻冷冷清清，生意大減。
今日少人吼
平都唔買：鄭小姐（物業管理）
「留意到燕窩平咗，但之前睇啲調查講燕窩功效同雪蛤差唔多，所以唔會因為平就買。」
潘小姐（主婦）
「雖平咗一半但自己冇食開，唔會因減價特登買嚟食。」
燕窩跌價表
內地多個省市早前發現市面出售多個血燕樣本亞硝酸鹽嚴重超標，令燕窩即時下架。國家質檢總局隨後又實施新修訂的《出入境人員攜帶物檢疫管理辦法》，在新被禁止攜帶入境的名單中，包括深受內地客歡迎的燕窩。官燕棧執行董事李碧華表示，有關措施令燕窩在香港的銷情大打折扣，「以前好多內地客嚟買燕窩，一買就十斤八斤，都係用嚟送禮多，覺得送燕窩名貴又體面。但依家聽啲內地客講，過關時查得好嚴，連少少都帶唔到。」
幾日無發市 生意少一半
內地市場對燕窩需求急降，亦與政治新局勢有關。本港金城海味負責人林金城表示，內地新作風打擊燕窩這類高價消費品銷情，不但使內地政商圈子避買燕窩等貴價海味當手信，亦令內地高級食府停用貴價食材。燕窩入口內地的多個途徑被封殺，結果令貨源大量囤積在產地。海味業內人士透露，燕窩價錢自上年九月起出現減價迹象，李碧華說：「依家燕窩係賣緊十幾二十年前個價，好似質素一般嘅燕盞，舊年仲賣緊八千蚊一斤，依家就賣四千蚊！」至於較高級數的燕盞一樣跌價，上年至少要千多元一両，但近日九百元已可買到。
雖然燕窩售價減半，但內地需求蒸發，香港海味業界一樣「冇啖好食」。記者日前到訪上環海味街，只見到處掛滿大特價的字眼，昔日內地客大手購買燕窩的場面已不復再，有店舖更全日無遊客光顧，當記者查詢燕窩銷情時都搖搖頭拒絕採訪。消息人士透露，海味街的小商戶首當其衝，「有啲專賣燕窩嘅小商戶真係好慘，生意少咗一半，有時可能幾日都無發市，如果再係咁，隨時執笠。」
除零售商受重創外，有燕窩商透露，因燕窩無法進口內地，令出產燕窩的馬來西亞和印尼等地，亦出現燕窩業大蕭條，消息人士說：「馬來西亞同印尼等地嘅燕窩，主要都係出口去內地，佔生意好大比重，入唔到內地就會嚴重滯銷。」
