SUN搞作：Sun官場現形記：自由與罪惡
地剷代理唔妥辣招，勢要大鬧立法會，佢哋大叫干預自由市場，影響營商環境咁。講真，自由市場講咗幾十年，李衞都有啲半信半疑喇，點知咁啱就畀李衞偷聽到地剷代理腦細一個大陰謀……
腦 細：地產代理無飯開，樓市耷、百業頹，搞到市民無錢買樓，政府要負責！
硬膠官：係你自己賺少咗，定係真係關心市民？
腦 細：政苦出陰招干預自由市場就唔啱！
硬膠官：咁以前係「自由市場」，經濟衰退你咪又執舖兼炒人！自由市場有關心過市民咩？
腦 細：我炒人，其實係為大家好。
硬膠官：何解？
腦 細：係，因為我有銀用，先至可以再請番班人。
硬膠官：哦，咁得啦，拎你層樓出嚟畀我。
腦 細：點解？
硬膠官：香港市民都要有地方住，先至可以似番個人！
