政壇:政商定格:朱穎詩新書主角助籌款
王賢訊(右)及朱穎詩(左)兩公婆好合拍,將動用自家公仔幫仁濟醫院籌款。
仁濟醫院將舉行年度曲奇義賣,仁濟醫院副主席王賢訊(Vincent)諗條妙計,籌謀將太太朱穎詩(Vincci)新書中嘅可愛主人翁同善事Crossover,將壽星公、神仙狗同灶君等得意公仔印喺曲奇鐵罐上。Vincent笑稱,呢班主角取材自中國神話故事,夠晒好意頭又深入民心,希望到時可以吸引一批鍾意收藏鐵罐嘅公公婆婆粉絲。
王賢訊(右)及朱穎詩(左)兩公婆好合拍,將動用自家公仔幫仁濟醫院籌款。
Vincci同Vincent去年齊齊躋身作家行列,Vincci嘅神仙狗故事書好受歡迎,出完一本又一本。Vincci話七月書展將會推出第四本,寫書工作愈來愈忙,Vincci透露計劃搵個寫字樓處理公務同寫作,因為家吓佢喺屋企一邊湊女、一邊寫書,經常被囡囡打斷,搵寫字樓就可以有寧靜嘅創作空間。