周松崗急急申報獲贈紅酒,以保身家清白。(資料圖片)

「貪曾」前特首曾蔭權爵士及「貪湯」前廉政專員湯顯明任內嘅貪婪醜行引起全城怒吼,有咁活生生嘅反面教材,官場中人依家收禮都醒定好多。身兼馬會大董嘅行政會議成員周松崗最近就主動向行會申報利益,佢上月二十六號賽馬日喺馬場宴客時,獲贈一支一九九○年Chateau Palmer Margaux Medoc法國紅酒,市價約二千多元,仲講明將支酒送畀馬會員工舉辦活動之用。

周松崗急急申報獲贈紅酒,以保身家清白。(資料圖片)

按行會規定,價值超過二千元嘅禮物需要申報,周松崗揸得咁緊,因為佢係特首梁振英喺貪湯事件揭發後,宣布成立檢討廉署酬酢、餽贈和外訪規管制度嘅獨立檢討委員會主席,而且同時係港交所主席及香港總商會主席,咁多重量級嘅公職掛喺身,梗要避免一失足成千古恨。

第一手消息請下載on.cc東方互動iPhone/iPad/Android/Windows Phone Apps