SUN搞作：Sun官場現形記：特工配美人
爆料特工接受訪問講，嚟香港唔係着草，而係嚟舉報罪案！佢仲大爆美國入侵香港中文大學同公職人員嘅電腦，愈爆愈大鑊！議員「熟兒」就巧叻叻咁分析，佢其實係千揀萬揀先嚟香港爆料，李衞見佢哋兩個咁惺惺相惜，就幫佢哋撮合埋一齊……
熟兒：嚟香港報警，相當明智！因為香港警察連菲傭打斧頭都唔放過，又點會唔出盡全力咁幫你？
特工：Exactly！我收晒風先至揀Hong Kong！靜靜雞話你知，我啲料每日爆一單，夠我拎埋張三粒星身份證！
熟兒：蝗……吖，唔係，鬼佬唔同。不過我都唔係幾信無讀過大學、做的士司機、酒樓侍應嗰啲人，真係收到咁多猛料囉！
特工：我爆多單，證明畀你睇。其實你哋嘅前特首……
熟兒：點樣？
特工：係白癡！
熟兒：細聲啲！呢個係最高機密！
特工：你信啦依家？
熟兒：信晒！我好仰慕你，你簡直係美國陳光誠！
特工：因為我國先賢話齋，「為國家安全而犧牲自由的人」，唔應該有！
熟兒：咁啱嘅？我當年都係為「國家安全」條例犧牲，我哋真係天生一對！
特工：OH！Reginababy！我嘅寶貝！啜……
