政壇：趙式慶撐少數民族音樂
趙式慶前晚去捧李雲迪場，透露十年前已聽過佢演奏。
鋼琴王子李雲迪前晚喺文化中心舉行音樂會，趙世光兒子趙式慶都有捧場，佢話十年前已經喺北京聽過李雲迪演奏，大學時期聽古典樂多啲，近年欣賞音樂嘅口味就因為工作關係轉咗：「近年去咗內蒙古後啲品味轉咗，聽啲少數民族非主流嘅音樂，呢類音樂面臨失傳問題，要努力去幫佢哋保留，自己以後都希望做多少少文化方面嘅活動。」
趙式慶前晚去捧李雲迪場，透露十年前已聽過佢演奏。
嚟緊禮拜日就係父親節，有乜嘢節目呢？趙式慶話：「父親節我要去內蒙同埋美洲，今次係囝囝出世後第一次離開咁耐，要去三個禮拜。」咁會唔會提早慶祝呢？佢笑笑口話唔會，仲話自己覺得每日都係父親節。講到藝術愛好，佢透露個女都好鍾意音樂，咩音樂都聽，亦好鍾意跳舞、畫畫。
