香港經濟前景迷失加上競爭力下跌，令港人好心急，而近日瑞士洛桑國際管理學院（IMD）發表《2013年世界競爭力年報》，香港嘅排名由去年首位滑落至第三！喺咁危急嘅關頭，特區高官卻繼續醉生夢死，先係賴外圍經濟放緩，財政司司長鬍鬚曾更話第三都唔錯，因為○二年嘅時候香港排十三咋。鬍鬚曾咁鍾意第三，可見小三魅力沒法擋！睇番佢做財爺呢幾年，香港人真係恨不得佢去搵個小三風流快活好過！
