掘洞外判商自稱最大受害者
證人王良煥指至今仍未收到當年替龔如心掘洞的工程費。
【本報訊】華懋集團前外判商王良煥昨日作供時透露，龔如心於一九九三年至○六年間指示他在華懋多個物業和地盤「掘洞」一直未付款，龔如心更已「去咗天堂」，他至今未收到錢更接不到華懋工程，差不多要領綜援維生。他表示：「陳生（陳振聰）係唔係受害人我唔知，我就話我先係最大受害者！」
證人王良煥指至今仍未收到當年替龔如心掘洞的工程費。
龔如心被指生前曾命人到華懋多個物業和地盤掘洞。（資料圖片）
龔似王太后 我似李蓮英
王良煥表示龔如心在九三年，吩咐他日後要按陳振聰的說話做事，他與陳後來在多個華懋物業和地盤掘洞，期間亦曾一度停掘。而龔於○五年於爭產官司終極勝訴後，在美國波士頓致電他說：「四眼王，好多謝你呀！第日我會報答你畀番錢你，我會叫陳生再搵你，佢會聯絡你做嘢。」而他亦於○五至○六年間再在華懋物業掘洞，但陳並非次次都現身，部分掘了的洞後來更不了了之，要由龔仁心找人填洞。
對於掘洞原因，王說：「事頭婆（龔如心）好似王太后，我哋好似大太監李蓮英，唔夠膽問王太，同樣道理唔敢問陳生，怕陳生一個唔覺意同事頭婆講，事頭婆就鬧番我。」
至於收取掘洞費一事，王大嘆：「講到收費，慘呀！我係受害人，王太話董建華將英女皇個誕改做佛誕畀人講，佢唔想畀人講，佢話我會記住你……點知佢又去咗天堂，上一次我去為華懋做證人，工程費華懋唔畀我，工程又唔畀我做，打完齋唔要和尚，我就話我係最大受害者。」
另外龔用來拜佛的香燭衣紙都是由他墊支，他「有權買嘢，無權拜嘢」，一至兩個月就要「燒」他五千元至六千元，他認為神佛「食都食唔到咁多」，他若收回錢會無所謂，但至今仍收不到錢便感「肉痛」。
