次世代生活圈：Working Holiday孖住上
假期與工作本沾不上邊，一句「體驗生活」，人人停學辭工，自製假期，流浪異鄉工作。一對八十後孖女趕上Working Holiday熱潮，甘願到澳洲當廉價工。她們說，工作只是工具，去衝擊他方文化、反思生命，只因青春有限，成長無價，望找到一點啟發，回來跑更遠的路。
（左起）Carol、Ruby
Ruby（左）與Carol（中）當過嘉年華會服務員，體驗當地人的智慧。
逐家叩門，Ruby終覓得侍應一職。
沒有太多行李，一頂帽子，一個手包，伴着她們整個旅程。
旅程中，認識無數朋友，更透過他們的眼睛，認識世界。（受訪者提供）
去年八月，大孖Ruby與細孖Carol齊齊辭工，申請工作假期（Working Holiday）。為的是回應心中呼喊，「啲人話外國人好隨和，咁即係幾隨和？你唔喺當地生活過你點知？」Ruby說畢業已有這念頭，欠的是一個時機。Carol補充︰「做咗兩年嘢，儲咗少少錢，係時候擴闊眼界。加上喺香港，我哋受溫室保護，但我哋想試吓，無人無物下，可以做到幾多。」
一個問題 重定目標
孖生姊妹結伴赴澳，純為媽媽安心放行，Carol說︰「去到當地，大家都分開搵工，一來好多時空缺得一個，二來大家都想獨立。」兩姊妹分別當過餐廳侍應生，嘉年華會服務員，各自受「面皮」訓練，逐家叩門搵工，曾遇上剋扣工資的黑心老闆，又遇見啟蒙天使。「喺嘉年華做嘢時，見有啲遊戲唔係所有小朋友啱玩，有時佢哋玩完會喊，但佢哋父母唔會呵護備至，反而都會話『太好啦，最少你試過。』」一句「最少你試過」在Ruby心中迴盪︰「點解我平日預計會唔鍾意就唔去試呢？」
那邊廂，Carol亦因一句話，頭頂亮了燈泡，她說：「有個當地人問我，人點解生出嚟就係為咗成功？」她心想，「我嘅世界就係讀大學、畢業入大公司，一路升、升、升。同自己講，一定要幾多歲之前搵幾多。」簡單一個問題，令她重定目標︰「唔一定逼自己向上爬，要睇下過程開唔開心，有無得着。」
一切經歷只屬工作假期的旅程，Carol說︰「普通放假去旅行，你會畀一大舊錢，食好住好，但你其他經歷未必得到。」
一年的旅程，她們半年便回港。「夠就要返來，有得着就不枉此行。」重回傳媒公關崗位，環境一樣，心態不同。她們笑道，離開不是逃避，只想日後活得更精彩。
