「家是香港」運動，已經係「人見人喊打」的嘥納稅人公帑的低能政治爛騷，度呢條橋嘅契弟，早被七百萬港人狠咒全家的了！原來，仲有白癡仔想出比「家是香港」更反智百倍的「屎橋」來挑戰港人智慧和忍耐！

一個叫做「救護先鋒隨車觀察計劃」的弱智計劃，話安排三百名十四歲或以上的小朋友跟車坐上消防救護車內，觀察前線救護員點做喎！世上，哪處仲有政府高層比香港呢班更食蕉呢？

前線救護員媽媽聲，因救人要緊，已忙到抽筋，還要多「照顧」一個塞豆窿？大家都知，好多時，救護車內只准一個家人陪伴傷者病人，就是免卻阻礙救援，減低病人感染和隨行人受傳染的機會，甚或個人私隱。若有件貪官因飲茅台過量，燥熱便秘，痔瘡爆裂，一發不可收拾，召白車送院急救。當痛到面容扭曲的貪官，被抬入白車，見一件小豆丁故作鎮定的「採訪」，問：「阿伯，你做乜一褲都係嘅？」叫貪官點答呢？救護員以專業口脗解說：「哦！佢肛管齒線下靜脈曲張，方便時，用力過猛，靜脈破裂啫！」十四歲的小朋友似明非懂的舉起手上iPhone，對準血漬斑斑的褲襠，「咔嚓」的影了一相，貪官欲阻止不果，小朋友卻說：「阿伯，放心！見唔到你個樣的！我知要保護你私隱嘅！」

呢劑「救護車計劃」成功，下次不如帶小朋友入火場，親身觀察消防員點救火，叫消防員叔叔講解乜嘢叫做「火災學」，又或傾吓何謂「燃燒物理學」都唔錯，齊齊教學相長嘛！

「家是香港」？哈哈！

彭志銘

次文化考古學家，對城中潮語有深入研究，博徵博引，廢官廢人行埋一邊。

歡迎add我facebook一齊（目及）實政府

第一手消息請下載on.cc東方互動iPhone/iPad/Android/Windows Phone Apps