SUN搞作:sun官場現形記:小學雞思維
香港呢排食物連番出事,含銅糉葉、假牛丸,咩都齊晒。早兩日,立法會有委員會就傾起呢啲事,點知竟然有議員提出謬論,用菠蘿包無菠蘿,同牛丸無牛單嘢比較,話立法規管食物名稱要符合食物內容好難搞,真係聽到李衞一肚火……
廿蚊張︰嗱,菠蘿包係咪無菠蘿?你話點規管?
李衞︰咁大個人,仲玩詭辯?
廿蚊張︰邊度有詭辯?
李衞︰個個月拎幾皮嘢人工,竟然同小學雞同一思維……
廿蚊張︰咁你解釋吓有咩問題!
李衞︰有啲嘢係約定俗成,大眾知菠蘿包入面係無菠蘿,但唔會知牛丸入面係無牛,點做比較?
廿蚊張︰我唔理,我淨知菠蘿包係無菠蘿!
李衞︰咁唔通個名有「人」字嘅都要唔係人先合理?張議員,係咪呢?
廿蚊張︰@@##$$%^&^&