政壇：政商定格：周振基闔府撐乖孫行騷
周博軒同太太柯立珍拍拖返港後，即刻全家出動為大仔打氣。
潮州商會會長周振基日前同太太馮慧蘭、兒子周博軒等全家總動員出席活動，皆因佢五歲半嘅乖孫、周博軒嘅囝囝客串小模特兒，做爸爸嘅周博軒仲用手機拍低兒子行騷嘅英姿。嚟緊周日就係父親節，問佢有乜慶祝活動，周博軒話：「一齊食飯已經好開心！」佢透露，早前同太太柯立珍去法國睇網球賽，順便拍拖，啱啱先返嚟，父親節食飯就得喇！
周博軒同太太柯立珍拍拖返港後，即刻全家出動為大仔打氣。
客串模特兒嘅係大仔周添泰（Tyler），佢好有大將之風，完全不怯場，父母大讚佢有表演細胞，柯立珍笑言湊三名子女唔太辛苦，只係好忙，所以不打算再追生細路。
