政壇：政商定格：廖偉芬租阿媽舖冇價講
廖偉芬首次同媽媽租舖，租金要跟足市價，但就簽咗六年租約。
廖創興家族後人廖偉芬（Jennifer）進軍飲食王國，成功打造多間餐廳，近日又磨拳擦掌開設第二間精品咖啡店，近日佢得知「舖后」媽媽廖湯慧靄有意放租灣仔一個地舖物業，首次開腔同媽咪租舖。廖媽媽都揸正嚟做，租金跟足市價，阿囡都無情講喎！新舖下個月就開張大吉。
廖偉芬首次同媽媽租舖，租金要跟足市價，但就簽咗六年租約。
Jennifer創業以來，首次破天荒向阿媽租舖，Jennifer都笑言心情複雜。雖然廖媽媽企硬，租金無「母女價」，仲規定囡囡畀足訂金，一毫子都唔准少，但裝修設計就給予好大寬容度，任由囡囡點「舞」間舖都得，Jennifer仲重錘簽下六年租約，貪新舖地段好喎！
新店將有新噱頭，Jennifer推出自家製麵包，早前佢專程跑去法國拜師學藝，學習製法國麵包秘技。今次開新店就大派用場嘞！
