政壇：立會驚現500V煞面具

發貼人話首批五百個Ｖ煞面具到埗，仲有二千五百個嚟緊。由於面具太貼面，為防刮眼要喺面具加發泡膠，又要加大個鼻孔位，需大量義工幫手。憑相中擺設追蹤打探下，原來拍攝地點係一位人民力量議員嘅立法會辦公室，莫非人力想動員三千「Ｖ煞」 喺七一坐馬路示威？雖然有關議員承認張相的確係喺佢辦公室影，亦承認「同Ｖ煞啲人有聯繫」，但就唔會評論Ｖ煞嘅嘢，仲話呢批面具同人力無關咁話。大家試諗吓，如果七一真係有三千人戴住Ｖ煞面具上街，而當中有人涉嫌違法，莫非警方要將三千人帶晒返警署調查？到時嘅惡劣境況真係難以想像。