SUN世代：e海味
全家同心拍住上！與父母講科技，不少人耍手擰頭，偏偏讀電腦出身的蔡智文（Peter）創立科技公司，卻邀家人同決策。家族從事海味生意，他特意開辦網購業務闢江山，將家族生意推上網，由送貨到網頁設計，父母齊「打骰」。工作猶如親子活動，賺到的不只是錢。
Peter特意開辦網購業務，將海味家族生意推上網。
一心服務社會，Peter（右三）會與員工商討公司資源支持慈善工作，實踐內心理想。（受訪者提供）
科技助人自助，Peter結婚時，亦利用自己編寫的程式，收集及分享朋友於婚禮上拍下的照片。（受訪者提供）
Peter有時會親自送上過大禮物籃，見證他人最美好時光。
小時候的Peter趣致可愛。
好多人以為啲客要聞過摸過先買，但原來只要網頁設計得好，個客自然對你有信心。
處身科學園，Peter每日研發軟件程式，主打婚嫁範疇，最近忙着推行相片上載平台，「好似參加婚禮，大家係咁影，但新人同賓客就好少攞得番全部嘅相，依家就用一個App，將大家影低嘅相集中起嚟再分享。」
業務多多，不過最廣為人知的是他○八年設立海味網購公司，將傳統行業大翻新。他說：「好多人以為啲客要聞過摸過先買，但原來只要網頁設計得好，個客自然對你有信心。」
網頁一字一句，不少主意來自家中好媽媽。別人可能覺得詫異，不過家族從事海味生意的Peter認為理所當然，「佢係用家又係賣家，你用咩字眼推銷會好賣，佢一定清楚。」客戶不分歐美香港，營業額年年增長，Peter笑言：「呢個亦係IT獨有吸引力，寂寂無聞都可接觸全世界，甚至改變大家生活模式。」
近年，他與家人一起腦震盪，新增海味婚嫁「過大禮」服務，不斷為業務增值。公司人手充足，但近七十歲老爸仍望可出一分力，擔擔抬抬亦不介意，全家目標一致，話題不缺，Peter體會到這盤生意的價值，已非帳面可計到。
「企業嘅成功唔係純用錢嚟衡量。」公司運作至今，Peter鮮與家人吵架，他說：「意見唔同都唔會為生意同佢哋嘈，我要控制，要衝，我可以開多個新業務。」看真一點，公司對他來說，只是一種工具，一種媒介。
海味網購業務早上軌道，Peter下個目標是用公司去服務社會，「每年我都同員工商量點利用公司部分盈利去做慈善，又會鼓勵佢哋做義工。」他說：「創業唔係要一夜致富，有時只係為實踐理想，普通打工仔發揮空間有限，但你創立一間公司，人手資源多啲，可以做嘅就更多。」
Peter's Profile
現職：Snapshock創辦人及行政總裁、海味軒店主
學歷：港大計算機科學及資訊系統學士、中大電子商貿技術碩士
興趣：跆拳道
