政壇：政商定格：李雲迪義演助四川災民
三十個基層兒童合力製作一幅手指畫送畀李雲迪（中）做紀念。
四川近年屢遇天災，繼汶川大地震後，月前又發生雅安地震。鋼琴王子李雲迪係重慶人，佢今晚會喺尖沙咀舉行「中國鋼琴夢」首站巡迴音樂會，所有門票收入將全數撥捐中華基督教青年會（YMCA），支援該會嘅四川災後救援工作，李雲迪日前剛完成為期三個月嘅歐洲巡迴演出，尋日先喺北京趕來港，即刻同三十個基層兒童近距離接觸，一頭清爽短髮嘅佢表現親切友善，仲大讚現場彈鋼琴嘅男童表現自信有水準，有潛質成為鋼琴家。
三十個基層兒童合力製作一幅手指畫送畀李雲迪（中）做紀念。
李雲迪北京住所嘅鄰居吳炎良（Alex）撮合今次善舉，前晚兩人晚飯時，提及佢旗下公司股東之一係國際巨星Elton John，李雲迪話好有興趣同對方來個Crossover喎。至於幾時成事，佢話仲要商量吓，事關一個古典、一個搖滾，要諗吓點夾喇！
