政壇：李應平駐港最愛深度遊
李應平瞓身辦名人講座，與港人分享台灣嘅多元文化及價值。
台灣文化部駐港機構光華新聞文化中心近幾年都由女將揸莊，繼前主任江素惠、路平及才女作家張曼娟後，現任主任李應平話咁快來港履新已經十個月。佢來港後鍾意周圍去，發覺香港嘅天然地理環境好豐富，例如東壩六角石柱奇觀，佢唔想獨享美景，於是將照片擺上社交網站，結果好多朋友驚呼：「香港點會有咁靚嘅地方？」佢又去過粉嶺嘅歷史聚落龍躍頭文物徑、荃灣嘅客家文化三棟屋博物館等。
李應平瞓身辦名人講座，與港人分享台灣嘅多元文化及價值。
李應平盛讚香港嘅歷史及地理資源十分豐富，相信夠晒健康嘅深度文化旅遊會十分受歡迎！
