SUN搞作：Sun官場現形記：財爺廢噏
喺《2013年世界競爭力年報》中，香港排名由舊年嘅首位跌落去第三，不過鬍鬚曾就驚都未驚過，仲引用十一年前嘅數據做比較，話香港其實一直拾級而上，自我感覺良好，無視危機，李衞當然要直斥鬍鬚曾……
李 衞︰香港面臨經濟挑戰，連競爭力評級都跌，你仲懶懶閒？
鬍鬚曾︰對比○二年排名十三，香港依家一直穩步上揚。
李 衞︰咁都講得出口，你唔好用幾十年前做比較！
鬍鬚曾︰香港依家呢個排名，同亞洲經濟放緩有關。
李 衞︰全球經濟都放緩喇，咁點解人哋有得升？
鬍鬚曾︰唔好咁嬲，香港人放鬆啲。
李 衞︰再係咁落去，香港無希望！
鬍鬚曾︰老實講，香港人嘅生活，無你想像中咁差。
李 衞︰你仲講？！
鬍鬚曾︰咁係事實嘛，有邊個香港人飲唔起咖啡？仲唔係人人中產咩！
