政壇：政商定格：王利民闖北極股東怕怕
王利民早前遠征北極，連小股東都心掛掛。（資料圖片）
康宏理財主席王利民(Quincy)一向好敢博，早排佢先話有興趣拍戲，轉頭又冒生命危險去北極跑咗轉。關注呢件事嘅原來仲有康宏嘅一班股東，尋日喺股東大會上，就有小股東好肉緊咁問：「萬一你喺北極返唔到嚟，有無plan B ?」
王利民早前遠征北極，連小股東都心掛掛。（資料圖片）
小股東關心嘅係公司點樣營運，Qunicy明顯冇諗過小股東會問呢啲問題，聽到後即刻口啞啞。雖然佢冇回應小股東嘅問題，但一定感覺得到小股東嘅關心同在乎。佢哋公司嘅小股東真係幾得意嘅，有小股東一時興起，趁Beyond靈魂人物黃家駒生忌，送首《海闊天空》畀康宏，寓意係其中嘅歌詞：「仍然自由自我，永遠高唱我歌，走遍千里」，Qunicy實甜到漏喇！
