政壇：EQ唔想撐擴建堆填區

縱使環境局局長黃錦星早前揚言香港有「垃圾圍城」危機，但各大政黨同政團都未見有轉軚支持港府迹象，尋日「好打得」嘅政務司司長林鄭月娥披甲上陣約建仔二十名立法會議員同區議員「吐苦水」。據引述，林鄭會上要求黃錦星到受影響三區見居民，又同意以行政措施解決部分問題，包括垃圾車臭味問題，希望喺七月可以再到立法會財務委員會闖關。

但建仔嘅動向都好難掌握，消息透露，李慧琼係行會成員，投票時一定要支持政府政策，其他議員想統一投票意向至今未見曙光。EQ曾私下向黨內兄弟表示，倘黨決定支持擴建堆填區，希望佢可以申請唔跟隨黨立場投票。之後佢又講明自己投票支持機會好低，睇嚟建仔內部又有排煎熬喇。