「貪曾」前特首曾蔭權爵士被揭發在任期間貪盡海陸空、歎盡省港澳，又喺卸任前密密將價值一百八十萬元嘅公家貴價茅台酒運去位於半山堅尼地道嘅前任行政長官辦公室（前特首辦）珍藏。但據講原來貪曾卸任近一年，對呢批茅台酒文風不動，可以話係有得睇，冇得飲。

貪曾去年被我哋揭發佢喺卸任前將十二箱、共七十二枝「國酒」茅台送往前特首辦。為咗安置呢批酒藏，貪曾更豪花公帑豪裝前特首辦，甚至興建酒窖。但聽聞貪曾已經好耐冇返過前特首辦，加上佢嘅醜事傳千里，就算佢返到去，又有邊個會陪佢飲茅台呢？要將茅台運走就更難，因為依家佢中港兩邊走，居無定所，啲茅台咪惟有擺喺前特首辦，擺到千秋萬代囉！佢貪埋咁多又無得享用，其實貪嚟做乜呢？

其實反正放喺前特首辦嘅茅台酒都屬於公家酒，有立法會議員促請行政署倣效廉署咁，將啲酒交予政府物流服務署作公開拍賣，幫補吓庫房收益仲好啦！

第一手消息請下載on.cc東方互動iPhone/iPad/Android/Windows Phone Apps