地下火車終於拍板，喺本月底加價2.7%。連續第四年加價，但回贈就一年少過一年。網民當然嬲爆，仲同地下火車高層爭論一番……'

網民︰豈有此理，又加價？

高層︰其實早喺可加可減機制檢討嗰陣已經講咗要加價，因為成本上漲，我哋有加價壓力！

網民︰你有壓力，我有壓力，我哋有要求你減價嘅壓力！

高層︰其實，我哋都推出咗不少優惠畀大家，好似全月通加強版，真係好使好用！

網民︰優惠？計我話係「憂惠」就真！

高層︰此話何解？

網民︰用八達通貴過單程飛嘅畸形情況，依家未解決，用咩嚟畀錢都要左計右計，你哋啲優惠仲唔令人憂心咩！

第一手消息請下載on.cc東方互動iPhone/iPad/Android/Windows Phone Apps