唔少高官都係經常飛嘅出差一族，好似政制及內地事務局局長譚志源（Raymond）經常要往返內地做「內交」，近日俄羅斯總統普京宣布同太太離婚，原因就係二人聚少離多，咁啲高官驚唔驚呢？經常要離港外訪嘅Raymond就話，要同家人保持聯絡都唔係太難啫，就係出差時拎個手機出嚟，自拍或影低身邊嘅一啲人同事，然後發個短訊畀家人，一來報平安，二來可以話畀家人聽，自己去過咩地方、見過咩人。

如果你覺得喺眾目睽睽之下自拍需要太多勇氣，自拍交差太難練成，Raymond仲有一招回歸基本步可以畀大家參考，就係打電話，每日打畀阿媽仲可以喺小朋友面前做個好榜樣，等佢哋知道要點對待長輩。

第一手消息請下載on.cc東方互動iPhone/iPad/Android/Windows Phone Apps