SUN搞作:Sun官場現形記:D.I.Y加人工
成班公務員對加薪幅度好不滿,當中有人去搵貪湯傾偈喎,然後貪湯醒啲「屎橋」畀人,教壞「細路」,李衞「聽」到火遮眼!
公僕:呢啖氣我點都吞唔落o架嘞!跑唔贏通脹,我哋點樣開飯呀?
貪湯:唓,唔加人工又有咩所謂?我未驚過。
公僕:我哋工作好繁忙o架!
貪湯:So what?你可以試吓寓工作於娛樂。例如返工嗰陣買外賣、跳吓舞、飲吓酒……Let's D.I.Y well paid!
公僕:咁……咁會唔會畀人炒o架?
貪湯:使乜驚?我可以暗度「曾」倉,有乜事咪搞拍賣,賣晒啲酒囉!
公僕:我哋行問責制,畀人查到要負責o架!
貪湯:其實……哈哈,我啲茅台就嚟飲晒,如果你寄幾支嚟老廉,我可以考慮關照吓你o架!
李衞:fogf(^((*!~!